2020-mi kvartalit pingajuat ilanngullugu avataasiorluni tunisassiuutigalugu aalisarnermi pisat
Avataasiorluni
nammineq tunisassiuutigalugu 2020-mi aalisarnermi kvartalit pingajuat
ilanngullugu pisat matumuuna kisitsisaataasivitsinni takuneqarsinnaalerput.
Uani pineqarput aalisariutit namminneq tunisassiorfillit nunatta nunallu allat
imartaanni aalisakkat qaleruallillu pisaat. Aammattaaq kisitsisaataasivimmi
nunat allat aalisariutaasa nunatta imartaani kvartalip pingajuat ilanngullugu
pisaat takuneqarsinnaanngorput.
Maluginiaqquneqarpoq
avataasiorluni aalisarnermi pisat pineqartut tassaammata nammineq aalisariummi
tunisassiat, taamaattumik kinguppaat, qalerallit saarulliillu kalaallit
aalisariutaannit avataasiortunit aalisakkerivinnut tunisat kisitsisini ilaanngillat, taakku tunisinermi naatsorsuutinut
ilaareermata.
Kvartalit
pingajuat ilanngullugu pisat 2017-imiit – 2020-mut, suussutsinut
assigiinngitsunut agguarlugit
Najoqqutaq: Naatsorsueqqissaartarfik – takuuk kisitsisaataasivik http://bank.stat.gl/FIN008
Kisitsisaataasivik
Kisitsisaataasivimmi, Naatsorsueqqissaartarfiup nittartagaaniittumi, avataasiorluni nunattalu eqqaani imartanilu allani aalisarnermi pisat 2008-miit 2020-mut takuneqarsinnaapput.
Allanik immikkut paasisaqarusukkuit allaffimmi pisortaq Lars Geraae oqarasuaat (toqqaannartoq) 34 57 87 atorlugu attavigineqarsinnaavoq.